Франкфуртнинг “Айнтрахт” клуби дарвозабони Кевин Трапп фаолиятини Италия А Сериясида давом эттириши мумкин.
Журналист Николо Скиранинг фикрича, германиялик посбонга “Наполи” қизиқиш билдирмоқда. Давид Оспина "Наполи"ни эркин агент сифатида тарк кетганидан кейин янги дарвозабон қидирмоқда.
32 ёшли германиялик футболчи ўтган мавсумда “Глазго Рейнжерс”га қарши ўйинда муҳим сэйвлари билан “Айнтрахт”га Европа Лигасида ғалаба қозонишга ёрдам берди. Энди франкфуртликлар тарихда биринчи марта Чемпионлар лигасида ўйнайди.
"Наполи" учун муқобил вариант - "Челси" посбони Кепа Аррисабалагани ижарага олиш.
