"Нефтчи" мураббийи Виталий Левченко Суперлиганинг 14-тури доирасида бўлиб ўтган "Қўқон-1912"га қарши ўйин борасида ўз фикрлар билан ўртоқлашди.

— Бугунги ўйин курашларга бой тарзда ўтди. Мазкур баҳс ҳеч қайси жамоага осон кечмади, шу сабабли футболчилар ҳамда мухлисларга раҳмат айтаман. Кайфиятни тушурмаймиз ва ўз устимизда ишлашда давом етамиз.

— Ўйин олди тайёргарлик жараёни ва давралар оралиғида трансферлардан қай даражада қониқтирди?
— Иккинчи даврага тайёргарлик учун менда вақт кам эди, лекин имконият даражасида жамоани кучайтира оладиган футболчиларни жамоага жалб қила олдик.

— Aброр Исмоилов нега захирада қолдирилди?
— Иккинчи бўлимда жамоани кучайтириш мақсадида уни захирада қолдирдик.

— Ўйиндаги қизил карточка кўрсатилган вазият ҳақида нима дея оласиз?
— Қизил карточка жамоамиз ўйинига жиддий таъсир кўрсатди. 10 киши бўлиб ҳаракат қилиш ҳар қандай вазиятда ҳам оғир кечди.

— Жамоа янги дарвозабонининг бугун ўйиндаги хатолари ҳақида фикрларингиз?
— Футбол хатолардан иборат. Биз бундай вазиятда дарвозабонимизни қўллаб туришимиз керак ва у ҳали ўз ўйинини кўрсатади.

— Навбатдаги турда жамоангиз "Истиқлол" стадионида уй учрашувларини ўтказадими?
— Мен ҳам шу ўз уйимизда яни "Истиқлол" стадионида ўйнашни кутяпман. Ўз мухлисларимиз қаршисида ўйнаш албатта завқли.

"Нефтчи" матбуот хизмати