"ПСЖ" бош мураббийи Кристоф Галтье Франция чемпионати 1-турида "Клермон"га қарши ўйинда (5:0) ҳужумчи Лионель Мессининг акробатик голига муносабат билдирди. Мураббий 35 ёшли аргентиналик футболчининг голидан ажабланмаяпти.

“Унинг зарбасидан ҳайратдаманми? Йўқ, - деди Галтье.

— Бу гол менга ёқди. 17 йил давомида Лионель жуда юқори савияда ўйнамоқда. Ўтган мавсум унинг учун оғир кечди, аммо ҳозир у ҳамма нарсага кўникиб қолди. Бундан олдинги ҳар мавсумда Месси камида 30 та гол урган. Энди у мавсум олдидан шахсий ҳаётини тўғирлади, клубга мослашди, шерикларга кўникиб қолди. Энди унинг ажойиб мавсум ўтказмаслиги учун ҳеч қандай сабаб йўқ."

Охирги учрашувда Месси дубль ва голли узатмани амалга оширди.