2015 йилда Мемфис Депай Нидерландия футболининг асосий умиди ҳисобланган ва уни “Манчестер Юнайтед” 30 миллион еврога сотиб олганди. Бироқ, Депай у ерда ўйнамади ва у шундай хатоларга йўл қўйдики, натижада клубнинг ўша пайтдаги бош мураббийи Луи ван Гал Депайни иккинчи жамоага юборди. Ўша пайтда "Манчестер Юнайтед"да ўйнаган Уэйн Руни Депайга маслаҳат беришга қарор қилди.
"Эшит, иккинчи жамоа - бутунлай бошқача муҳит, у ерда ўзингни камтарроқ тут, учрашувга энг қиммат кийимда ва энг қиммат машинада келишинг шарт эмас" - деб маслаҳат берди Руни Депайга.
Аммо Депай бу маслаҳатга қулоқ солса, Депай бўлмасди...
"Биласизми, у нима қилган? Иккинчи жамоанинг ўйинига қимматбаҳо чарм костюмда ва Роллс-Ройc автомашинасини ҳайдаб келди. Кейин мен бу йигитда нимадир нотўғри эканлигини англадим, - деди Руни Daily Mail билан суҳбатда.
