Франциянинг "Монпелье" клуби ҳужумчиси Оливье Жиру Лондоннинг "Арсенал" клуби билан шахсий шартнома борасида келишиб олишди. Бу ҳақда France Football нашри хабар тарқатмоқда.
Европа чемпионати тугагач, футболчининг лондонликлар билан 4 йиллик шартнома имзолаши кутилмоқда. Ўшанда Жиру дастлаб тиббий кўрикдан ўтиши керак бўлади. Футболчининг трансфер нархи 12 миллион фунт стерлингга баҳоланган.