"ПСЖ" ҳужумчиси Мауро Икардининг рафиқаси ва агенти Ванда Нара эрининг келажаги ҳақидаги миш-мишларга изоҳ берди. Эслатиб ўтамиз, парижликлар аргентиналикдан қутулмоқчи, аммо футболчи ҳеч қаёққа кетишга шошилмаяпти.
"Нега Мауро "Клермон"га қарши ўйинни ўтказиб юборди? Бундай қарорни мураббий қабул қилган. Клубда трансферлар туфайли баъзи ўзгаришлар юз берди. Бироқ, бир нечта ўйинчи шунга ўхшаш вазиятда.
Мауро "ПСЖ" футболчиси сифатида қолади. Клуб у билан шартномани бузиш учун катта миқдорда пул тўлаши керак. Ҳозирда бу вариант кўриб чиқилмаган", - дея Ванданинг сўзларини келтиради Corriere dello Sport.
