Италиялик бош мураббий Фабио Капелло "Манчестер Сити"нинг янги мавсумда Чемпионлар лигасида ғалаба қозониш имкониятлари ҳақида фикр билдирди.
"Чемпионлар лигаси фаворити ким? Албатта, бу "Манчестер Сити". Улар ҳужум шиддатини жиддий равишда оширадиган Холанд билан шартнома имзоладилар. ЕЧЛ чемпионлиги учун кураш олиб борадиган клублар рўйхатида "шаҳарликлар" Эрлинг билан янада самаралироқ бўлади. Гвардиолада энди Чемпионлар лигасини ютиш учун ҳамма нарса бор. Пеп ниҳоят "Сити" билан кубокни олиши керак", - деди Капелло Il Mattino билан суҳбатда.
Эслатиб ўтамиз, ўтган мавсумда "Манчестер Сити" Чемпионлар лигасининг 1/2 финал босқичида "Реал"га умумий ҳисобда мағлуб бўлганди.
