"Ювентус" бош мураббийи Массимилиано Аллегри Италия чемпионатининг 1-тури доирасида "Сассуоло"га (3:0) жамоасига қарши бўлиб ўтган ўйинда жароҳат олган Анхел Ди Мариянинг ҳолати ҳақида гапирди.

"Мен тинчланганим йўқ. Келинг, эртага тест натижалари қандай чиқишини кўрамиз. Афсуски, футболда бундай ҳолатлар учраб туради. Бир ҳафта олдин у мушак борасида ҳам муаммога дуч келди. Балки 3:0 ҳисобида олдинда бораётганимизда уни алмаштиришим керак эди, лекин у ўйиндан завқ олди. Закариянинг пайлари торитишиб қолди. Муҳими, биз ғалаба қозонишни жуда хоҳлаган ўйинда ютдик. Бу ғалаба осонлик билан қўлга киритилмади”, - деди Аллегри DAZN билан суҳбатда.

34 ёшли аргентиналик футболчи учун “Сассуоло”га қарши ўйин унинг "Ювентус" таркибидаги дебюти бўлди. Ди Мария гол урди ва голли узатмани амалга оширди. 66-дақиқада ҳужумчи оқсоқлана бошлаганидан кейин алмаштирилди.