Жанубий Америкалик футбол ишқибозларининг иштиёқи ҳаммага маълум. У ерда баъзи вазиятларда футболчи бўлиш хавфли. Футболчилар 1994 йилда Колумбия терма жамоаси футболчиси Андрес Эскобар билан содир бўлганидек, ўққа тутилиши мумкин.
Аргентинада улар ҳали ўқ узишмаяпти, лекин футболчиларнинг машиналарини ёқиб юборишади. 13-турдан сўнг саккиз очко тўплаган "Альдосиви" жамоаси футболчилари билан шундай ҳодиса юз берди.
“Годой Круз” жамоасига қарши учрашувдаги навбатдаги мағлубиятдан сўнг, жамоанинг беш нафар футболчиси муқобил транспортда уйга қайтишга мажбур бўлди. Чунки, уларнинг машиналари "парковка"да мухлислар томонидан ёқиб юборилди.
Энди клуб раҳбарияти ўз мухлисларини қандай жазолашни ўйлаяпти.... Раҳбарият ҳозирча стадионни жамоатчиликка ёпишдан яхшироқ вариантни ўйлаб топишмади.
