"Арсенал" бош мураббийи Микель Артета ўз шогирди Бен Уайтни мақтади. Эслатиб ўтамиз, инглиз футболчиси ўтган ёзда "Брайтон"дан "канонирлар" сафига келиб қўшилганди.

“Мен Уайтни "Лидс"да бўлганидан бери кузатиб келаман. У дарҳол эътиборимни тортди. У менга жуда ёқадиган футболчилар тоифасига киради. У жасур, қобилиятли ва ҳақиқий жангчи. Уайт худди Чемпионлар лигаси финалида ўйнаётгандек машғулот ўтказмоқда", деди Артета матбуот анжуманида.

Ўтган мавсумда Уайт Премьер-лигада 32 та ўйинда майдонга тушиб, гол урмаган.