"Челси" ҳимоячиси Эмерсон "Вест Хэм"га ўтишга яқин турибди, дея хабар беради журналист Николо Скира.
Манбага кўра, "болғачилар" 28 ёшли италиялик учун 15 миллион евро тўлайдилар, шартнома муддати эса 4 йилни ташкил қилади.
Эмерсон ўтган мавсумда "Лион"да ижарада ўйнаганди. У 36 та ўйинда майдонга тушиб, 2 та гол ва 2 та голли узатмани амалга оширди. Transfermarkt портали футболчининг нархини 14 миллион еврога баҳоламоқда.