"Барселона" бош мураббийи Хави ҳимоячи Жюль Кунде қачон Каталония клубида ўйнай олишини айтди.
“Айни пайтда биз ҳеч нарсани билмаймиз. Биз кутиш режимидамиз. Кунде ҳақиқий лидер ва ажойиб футболчи. Умид қиламанки, у буни тез орада кўрсата олади.
У яхши машқ қилди, кайфияти яхши. Лекин уни рўйхатдан ўтказиш учун бир нечта ўйинчиларни сотишимиз керак.
Трансфер ойнаси 31 август куни ёпилади ва якунда нима бўлишини ҳозирча билмаймиз. Обамеянг ва Депай ҳамон биз билан, эртага биз улардан фойдаланамиз", - деди Хави.
