"Челси" ярим ҳимоячиси Кристиан Пулишич жамоани тарк этиши мумкин. Америкалик шу тариқа, бошқа клубда бўлса-да, барқарор ўйин вақтини таъминлашга ҳаракат қилади.
Британия матбуоти Пулишич Чемпионлар лигасида ўйнайдиган клубни танлашини маълум қилди. Аввалроқ, "Манчестер Юнайтед" америкалик футболчини ўзига таклиф қилиш имкониятига қизиққан эди, аммо футболчи Манчестер лагерига ўтишни истамаяпти.
Пулишичнинг шартномаси 2024 йилнинг 30 июнига қадар амал қилади. Футболчининг трансфери 42 миллион еврога баҳоланмоқда.