Мадриднинг "Атлетико" клуби универсал ярим ҳимоячиси Маркос Льоренте Чемпионлар лигаси чорак финали доирасидаги "Барселона"га қарши ўйин олдидан шов-шувли баёнот берди.
"Рақибимиз кимлигининг аҳамияти йўқ. Биз "Барселона" ақл бовар қилмас клуб эканлигини биламиз, аммо уларга қарши ўйинда бор кучингизни ишга солмасангиз, улар сизни шунчаки йўқ қилиб ташлашади. Жорий мавсумда биз улар билан Испания Кубогида тўқнаш келдик ва бу жуда қийин бўлган эди.
Ўйлайманки, биз Чемпионлар лигасида ажойиб мавсумни ўтказяпмиз. Жамоамиз барқарор ўйин кўрсатмоқда, шу сабабли кейинги босқичга чиқишга интиламиз. Чемпионлар лигасида ғолиб чиқиш мен учун муҳим мақсад ҳисобланади", — дея қўшимча қилди Льоренте.
Эслатиб ўтамиз, "Барселона" ва "Атлетико" ўртасидаги дастлабки учрашув чоршанба куни, 8 апрель куни "Камп Ноу"да бўлиб ўтади. Жавоб ўйини эса сешанба, 14 апрель кунига белгиланган.
