Мадриднинг "Реал" клуби "Челси" ярим ҳимоячиси Энцо Фернандесни ўз сафига қўшиб олишга қизиқиш билдирмоқда.
L’Equipe нашрининг хабарига кўра, Мадрид клуби шу ёзда аргентиналик футболчини қўлга киритиш учун амалга ошириладиган алмашинув келишуви доирасида Эдуардо Камавингани таклиф қилган. "Қаймоқранглилар" француз футболчисини тахминан 50 миллион фунт стерлингга баҳоламоқда ва ундан келишувда фойдаланишмоқчи.
Жорий мавсумда Эдуардо Камавинга "Реал" сафида барча мусобақаларда 35 та ўйинда майдонга тушиб, 2 та гол урди ва битта голли узатмани амалга оширди. Унинг Мадрид клуби билан шартномаси 2029 йилнинг 30 июнига қадар мўлжалланган. Эслатиб ўтамиз, француз футболчиси 2021 йилда "Ренн"дан 31 миллион евро эвазига "Реал"га ўтган эди.
