Madridning "Real" klubi "Chelsi" yarim himoyachisi Enso Fernandesni o‘z safiga qo‘shib olishga qiziqish bildirmoqda.
L’Equipe nashrining xabariga ko‘ra, Madrid klubi shu yozda argentinalik futbolchini qo‘lga kiritish uchun amalga oshiriladigan almashinuv kelishuvi doirasida Eduardo Kamavingani taklif qilgan. "Qaymoqranglilar" fransuz futbolchisini taxminan 50 million funt sterlingga baholamoqda va undan kelishuvda foydalanishmoqchi.
Joriy mavsumda Eduardo Kamavinga "Real" safida barcha musobaqalarda 35 ta o‘yinda maydonga tushib, 2 ta gol urdi va bitta golli uzatmani amalga oshirdi. Uning Madrid klubi bilan shartnomasi 2029 yilning 30 iyuniga qadar mo‘ljallangan. Eslatib o‘tamiz, fransuz futbolchisi 2021 yilda "Renn"dan 31 million yevro evaziga "Real"ga o‘tgan edi.
