"Ювентус" бош мураббийи Массимилиано Аллегри ярим ҳимоячи Адрьен Рабьо атрофидаги трансфер миш-мишларига изоҳ берди.
“Мен учун у доим “Ювентус” футболчиси бўлган. Трансфер ойнаси вақтида футболчиларга қизиқиш бўлиши нормал ҳолат. Шунга қарамай, Адрьен ўтган мавсумни ажойиб ўтказди", - дея мураббийнинг сўзларини келтиради журналист Ромео Агрести.
Ўтган мавсумда ярим ҳимоячи "Ювентус" сафида барча турнирлар доирасида 45 та ўйинда иштирок этди ва 2 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
