Туриннинг "Ювентус" клуби вице-президенти ва собиқ футболчиси Павел Недвед "Барселона" ҳужумчиси Мемфис Депайнинг жамоасига ўтиши мумкин бўлган трансфери ҳақида фикр билдирди.
“Ҳа, Депай трансфер ойнасининг қолган қисми учун харидлар рўйхатимизда. Қизиқишлар рўйхатида бир нечта ўйинчи бўлса, бу нормал ҳолат", - дея иқтибос келтиради DAZN собиқ футболчининг сўзларидан.
Эслатиб ўтамиз, Депай ўтган ёзда Рональд Куман ташаббуси билан "Барселона"га кўчиб ўтганди.