"Манчестер Юнайтед" скаутлари жамоанинг ҳужум чизиғини кучайтира оладиган футболчиларни излашда давом этишмоқда.
Журналист Николо Скиранинг маълум қилишича, "Уотфорд"нинг бразилиялик ҳужумчиси Хуан Педро "қизил иблислар"нинг трансферлар рўйхатига киритилган. "Манкунианликлар" унинг учун 35 миллион евро тўлашга тайёр.
Олдинроқ ҳужумчи хизматига АПЛнинг яна бир вакили "Ньюкасл" қизиқиш билдираётгани ҳақида хабар берилганди.
"Уотфорд" бу мавсум Чемпионшипда ўйнамоқда. Педро тўртта учрашувда қатнашиб, битта гол урди.
Эслатиб ўтамиз, ушбу ёзда "Манчестер Юнайтед" португалиялик Криштиану Роналдуни йўқотиш хавфи остида турибди. 37 ёшли ҳужумчи Чемпионлар лигасида ўйнайдиган жамоага ўтмоқчи.
