Собиқ афсонавий ҳужумчи Тьерри Анри "Арсенал"даги собиқ жамоадоши Сеск Фабрегаснинг ташаббусини қўллаб-қувватлашга қарор қилгани, шунингдек, келажагини Италия Б Сериясида тўп сураётган "Комо" билан боғлаб, клуб акциядорига айлангани ҳақида хабар берган эдик. Анри нима учун бу унга истиқболли туюлганини тушунтирди.

"Клубга қўшилиш мен учун катта бахт. Мен бу лойиҳага қўшилишни узоқ вақтдан бери интиқлик билан кутганман. Бу шунчаки амбицияли спорт лойиҳаси эмас, бу менинг қадриятлар тизимимга тўғри келади, қисқа қилиб айтганда, жамиятга ёрдам берадиган клуб", - деди Анри ITASportPress билан суҳбатда.