Саша Калайджич "Штутгарт"дан "Вулверхэмптон"га ўтди.
Англия клуби 25 ёшли ҳужумчини сотиб олиш борасида келишувга эришди. Трансфер суммаси 18 миллион еврони ташкил қилгани хабар қилинганди.
Футболчи ҳалигача Буюк Британияда виза ва ишлаш учун рухсатнома олмаган. Бугун форвард тиббий кўрикдан ўтди. У "бўрилар" билан 5 йиллик шартнома имзолайди ва шартномани яна бир мавсумга узайтириш имконига эга бўлади.
Калайжич 2019/20 йилги мавсумдан бери “Штутгарт”да ўйнаб келмоқда.
Австриялик футболчи ўтган мавсумда Бундеслиганинг 15 ўйинида 6 та гол урган. Жорий мавсумда у Германия чемпионатининг учта ўйинида учта голли узатмани амалга оширди.
