Россия терма жамоаси сентябрь ойида Қирғизистон терма жамоаси билан ўртоқлик ўйини ўтказиши мумкин, деб хабар беради “РБ Спорт”.
Сентябрь ойида Россия терма жамоаси йиғин ўтказади. Новогорскда ишлагандан сўнг, жамоа ўртоқлик учрашуви бўйича келишувга эришилса, Бишкекка учади.
Миллий терма жамоа сўнгги ўйинини 2021 йил 14 ноябрь куни Хорватияга қарши ўтказган (0:1). 2022 йил февралида Халқаро футбол федерацияси (ФИФА) ва Европа футбол ассоциациялари иттифоқи (УЕФА) Россия терма жамоасини кейинги огоҳлантиришгача халқаро мусобақалардан четлаштирганди.
ФИФА рейтингида Россия терма жамоаси 35-ўринни, Қирғизистон терма жамоаси эса 95-ўринни эгаллаб турибди.
