Лионель Месси Лига 1да 6 та ўйинда жами 8 та фойдали ҳаракат амалга оширди.
Бугун "ПСЖ" ҳужумчиси "Нант"га қарши ўйинда (1:0 - танаффус) голли пас берди - Килиан Мбаппе гол урди. Бу аргентиналик футболчининг Франция чемпионатининг жорий мавсумидаги бешинчи голли узатмаси бўлди. Аввалроқ Месси “Клермон” (5:0) ва “Лилль” (7:1) билан ўйинларда биттадан голли узатмани амалга оширган ва “Тулуза” билан ўйинда (3:0) икки марта шерикларига ассистентлик қилган эди.
Месси жорий мавсум Лига 1да ҳам 3 та гол урди - у "Клермон" дарвозасини икки маротаба, "Лилль" дарвозасини бир маротаба ишғол қилган.
