Гонконгнинг "Истерн" клуби бош мураббийи Роберто Лосада ОФК кубоги чорак финал босқичи доирасида бўлиб ўтган "Сўғдиёна"га қарши бўлиб ўтган баҳсдан сўнг ўз фикрини билдирди.

"Кутганимиздек қийин ўйин бўлди. Мақсадимиз — 90 дақиқа давомида ҳимояда мустаҳкам ўйнаб, қарши ҳужумлардан фойдаланиш эди. Бундан бошқа иложимиз ҳам йўқ эди. Чунки захирамиз фақат ёш футболчилардан иборат. Аммо ўйин сўнгида мақсадимиз амалга ошмай қолди.

Иккинчи бўлимда "Сўғдиёна" босимни камайтирди. Шунда мен қийин вазиятдан чиқдик, деб ўйлай бошладим. Аммо ўйин сўнгида гол ўтказиб юбордик.

Мен ўз футболчиларим билан, айниқса, ҳимоячилар билан фахрланаман. Улар "Сўғдиёна"га қарши баҳсда жуда яхши ҳаракат қилишди. Бугунги ўйинда уларга эътирозим йўқ.

"Истерн" бу босқичга етиб келгунча кўп меҳнат қилди. Гуруҳдан чиқишимизни ҳеч ким кутмаганди. "Сўғдиёна"га қарши баҳсда фантастик ўйин намойиш этдик ва улар билан бир савияда ўйнай олишимиз мумкинлигини исботладик.

Ўйинчилар учун бу жуда яхши тажриба бўлди. Уларда юқори салоҳиятни кўряпман. Бу борада футболчилар билан ишлашда давом этаман", — деди мураббий.