Уч карра жаҳон чемпиони, жаҳон футболи афсонаси Пеле Буюк Британия қироличаси Елизавета IIнинг ўлимига муносабат билдирди.
Монарх 8 сентябрь куни 96 ёшида вафот этди. У 1952 йилнинг февраль ойидан бошлаб мамлакатни бошқарган.
“Мен 1968 йилда қиролича Елизавета IIни биринчи марта шахсан кўрганимдан бери унинг ашаддий мухлисиман. Кейин у Бразилияга футболга бўлган муҳаббатимизни кўриш ва гавжум Маракана сеҳрини ҳис қилиш учун келди. Унинг ишлари авлодлар томонидан қайд этилган. Бу мерос абадий қолади” - деб пост қолдирди Пеле ўзининг "Твиттер"даги расмий саҳифасида.
Елизавета II вафотидан кейин шаҳзода Чарльз Буюк Британия қироли бўлди ва у Чарлз III номини олди.
