"Челси" ярим ҳимоячиси Нголо Канте август ойида клуби билан мавсум охирида тугайдиган шартномасини узайтиришдан бош тортди.
Журналист Дэвид Орнштейннинг ёзишича, футболчига яна бир йилга узайтириш имконияти билан икки йиллик шартнома таклиф қилинган. 31 ёшли франциялик футболчи Калиду Кулибали 4 йиллик шартнома имзолаганини ҳисобга олиб, узоқроқ шартнома таклиф қилишларини кутмоқда.
Канте хизматларига Англия Премьер-лигасининг икки клуби, шунингдек, Бундеслига, Ла Лига ва Лига 1 жамоалари қизиқиш билдирмоқда.Футболчининг ўзи фаолиятини якунлагунча "Челси"да қолиб, Лондон клубида ўйнашга тайёр.
