"Насаф" - "Олмалиқ" учрашувидан кейинги матбуот анжуманининг биринчи қисмида "Олмалиқ" жамоаси бош мураббийи Игорь Шквирин қатнашди.
«Футболчиларимиз ишончни оқлай олмадилар. Айниқча ўша собиқ олимпиячилар умуман таниб бўлмас даражада ўйнашди. Олег Зотеевнику айтмаса ҳам бўлади. Зафар Холмуродовни туширмаганимизнинг сабаби у формада эмас уни жароҳатлар хам қуршаб олди», - дейди Шквирин.
«Бизда ёш умидли футболчилар бор, лекин вақт керак. Мана чемпионатимизнинг икки лидери «Насаф» ва «Бунёдкор»ни олайлик, уларда тажрибали футболчилар бор ва улар чемпионлик учун курашишади. Бизда хам тажриба йиғилаверса ўшанда жиддийроқ бир нарсага эриша оламиз».
«Лупашко? У ҳали ёш у ўзини кўрсатди. Бизда марказда муаммолар бор. Тайёрланаверамиз».
«Менга таклифлар? Албатта улар бор, ўтган йил ярмида яхши таклиф бор эди. Менга «Шўртан», «Пахтакор» ва «Насаф»дан таклифлар бўлди. Айниқса «Насаф» икки марта мени чақирди, аммо буни мен фақат эшитдим, жиддий таклиф ўзимга айнан келмади. Кўрамиз. Ҳамма нарса бўлиши мумкин».
