"Ливерпуль" "Реал" ярим ҳимоячиси Федерико Вальвердени сотиб олмоқчи. Ўтган ёзда мерсисайдликлар уругвайлик футболчини 100 миллион еврога харид қилмоқчи эди, бироқ бу таклиф рад этилган. Аммо 2023 йилнинг ёзида "Ливерпуль" Вальвердени қўлга киритиш учун янги уринишлар қилишга тайёр. Бу ҳақда Football365 хабар бермоқда.
Аввалроқ мерсисайдликлар уругвайлик футболчининг трансфери учун трансфер ойнаси ёпилишига икки кун қолганда 100 миллион евро тўлашга тайёр экани, аммо Мадрид клуби футболчини қўйиб юборишдан бош тортгани ҳақида хабар берилганди. Шундан сўнг "Ливерпуль" бразилиялик Артурни "Ювентус"дан бир мавсумга ижарага олди.
Шу тариқа, бу трансфер инглиз клуби тарихидаги энг қиммат трансферга айланиши мумкин. Айни дамда "қизиллар" тарихидаги энг йирик харид Виржил ван Дейк бўлиб турибди. "Саутгемптон" ҳимоячи сотувидан 84,65 миллион еврога ишлаб олган.
