Бразилия терма жамоаси бош мураббийи Тите "Реал" футболчиси Винисиус Жуниор нима учун рақсга асосланган гол нишонлаши танқид қилинганини тушунмаяпти.
"Винисиуснинг рақслари провокация эмас, балки оддий қувонч ифодасидир", - деди Тите Бразилия терма жамоасининг навбатдаги ўйини олдидан ўтказилган матбуот анжуманида.
Эслатиб ўтамиз, Винисиус "Реал"нинг "Атлетико"га қарши сафардаги сўнгги ўйинида ирқчиликка асосланган ҳақоратларга учраган эди. Ла Лига раҳбарияти мухлисларнинг хатти-ҳаракати учун “матрасчилар”ни жаримага тортади.
Винисиус янги мавсумда Испания чемпионатининг 6та ўйинида 4та гол урди ва голли узатма берди.
