Лионель Месси ЖЧ-2022даги умидлари билан ўртоқлашди.
“Аргентина ҳар қандай рақибга қарши туришга тайёр. Муайян учрашувда биздан нима талаб қилинишини аниқ биламиз, мураббийлар штаби ўйинларга яхши тайёргарлик кўради.
Ғалабалардан сўнг жамоа яхшироқ ўйнай бошлайди, ўзимизни эркинроқ тутамиз. Ҳозир биз бир-биримизни яхшироқ биламиз, чунки биз узоқ вақт бирга ўйнадик.
Мақсадимиз худди шу йўналишда ҳаракат қилиш ва Жаҳон чемпионатида қўлимиздан келганича ўйин кўрсатиш. Биламизки, Жаҳон чемпионати қийин турнир, энг майда деталлар сизни турнирдан чиқариб юбориши мумкин.
Аммо жамоамиз ҳар қандай рақиб билан беллашишга ва курашишга тайёр”, - деди Аргентина терма жамоаси сардори.
