"Интер" ҳимоячиси Милан Шкриньяр клуб билан янги шартнома борасида келиша олмаяпти. Айни дамда томонлар янги шартнома бўйича муҳокамаларни бутунлай тўхтатиб қўйишди, деб хабар беради La Gazzetta dello Sport.
Аввалроқ, "Реал" ва "ПСЖ" Шкриньяр билан боғлиқ вазиятни диққат билан кузатиб бораётгани хабар қилинганди.
Эслатиб ўтамиз, ёзда "нерадзуррилар" ҳимоячини 70 миллион еврога сотмоқчи бўлганди, бироқ жорий мавсум охирида келишув муддати тугаши туфайли ҳеч ким бундай нархни тўлашга рози бўлмаганди.
Ҳимоячи ўтган мавсумда "Интер" сафида 48 та ўйинда 4 та гол урган. У жорий мавсумда барча мусобақаларда 9 та ўйинда майдонга тушди.
