Аргентина терма жамоаси ЖЧ-2022нинг 32 та терма жамоаси ичида биринчи бўлиб жамоанинг гуруҳ босқичидаги ўйинлари учун барча чипталарни сотиб юборди. Бу ҳақда маҳаллий TN нашри хабар бермоқда.
Манба келтирган ҳисоб-китобларга кўра, Аргентинада яшовчи 40 мингга яқин одам чипта сотиб олган. ФИФА томонидан Аргентина терма жамоасига тақдим этилган қолган чипталарни бошқа мамлакатларда яшовчи аргентиналиклар сотиб олишган.
Аргентина терма жамоаси жаҳон чемпионати гуруҳ босқичида Саудия Арабистони (22 ноябрь), Мексика (26 ноябрь) ва Польша (30 ноябрь) терма жамоаларига қарши баҳс олиб боради.
Эслатиб ўтамиз, Жаҳон чемпионати Қатарда бўлиб ўтади.
