Дортмунднинг "Боруссия" клуби ҳужумчиси Юсуф Мукоко юқори маош олиш умидида муддати тугаётган шартномасини узайтиришдан бош тортди. Бу ҳақда Bild нашри хабар бермоқда.

Манбага кўра, Мукоко Дортмундда йилига 6 миллион евро ишлаб олмоқчи. "Боруссия" футболчига ушбу талабни ярмини таклиф қилишга тайёр. “Боруссия”нинг асосий иқтидори Жуд Беллингем ҳам 3 миллион евро маош олади.

Эслатиб ўтамиз, ҳалокатли ўтган мавсумдан сўнг "Боруссия" раҳбарияти жамоанинг маошини камайтиришга қарор қилганди. Дортмунднинг янги клуб сиёсати турнирлардаги муваффақиятга қараб маош тўлашни назарда тутган.