"ПСЖ" ҳужумчи Лионель Месси билан янги шартнома имзолашни интиқлик билан кутмоқда. Амалдаги келишув 2023 йилнинг ёзига қадар мўлжалланган.
El Larugero хабарига кўра, парижликлар клуби 35 ёшли аргентиналик футболчига яна бир йилга узайтириш имконияти билан бир йиллик шартнома таклиф қилган. Унинг маоши мавсумига 30 миллион еврони ташкил қилади.
25 сентябрь куни “Барселона” Мессининг кейинги ёзда Каталония клубига қайтишини исташи ҳақида хабар берилган эди.
Месси 2021 йилнинг ёзида “Барселона”ни тарк этди ва аргентиналик футболчи эркин агент сифатида “ПСЖ”га ўтди. 2022/23 йилги мавсумда у 11 учрашувда 6 та гол урди ва 8 та голли узатмани амалга оширди.
