"Манчестер Юнайтед" дарвозабони Давид Де Хеа бош мураббий Эрик тен Хаг билан учрашиб, клубдаги келажаги ҳақида гаплашмоқчи, деб хабар беради The Guardian.
Сўнгги пайтларда "Юнайтед" Де Хеа билан мавсум охирида шартнома муддатини узайтиришга ишончи комил эмаслиги ҳақида миш-мишлар тарқалмоқда. Бундай ноаниқлик 31 ёшли испаниялик футболчига ёқмаяпти.
Дарвозабоннинг клуб билан шартномасида шартномани 2024 йилгача узайтириш варианти ҳам бор. Бироқ “Манчестер Юнайтед” футболчининг юқори маоши, ҳафтасига 300 минг фунт стерлингдан ошиқ маоши туфайли Де Хеа билан шартномани автоматик равишда узайтирмоқчи эмас.
Дарвозабон 2011 йилдан буён “Манчестер Юнайтед” сафида тўп тепади. Жорий мавсумда у АПЛнинг 6 та ўйинида 8 та гол ўтказиб юборди.
