"Вулверхэмптон" жамоаси бош мураббийи Бруно Лаже билан хайрлашишни ўйламоқда.

"Бўрилар" кеча "Вест Хэм"га қарши ўйинда 2:0 ҳисобида мағлуб бўлиб, Премьер-лига турнир жадвалининг хавфли худудига тушиб қолди.

"Бўрилар" бу мавсумда Премьер-лигадаги дастлабки саккизта ўйиннинг фақат биттасида ғалаба қозонишди. Бундан ташқари, Лаже шогирдлари атиги учта гол уришди.

Клуб раҳбарияти ёзда трансферлар учун 100 миллион фунт сарфлаб, мавсумни ёмон бошлаганидан ҳафсаласи пир бўлди ва 15 ой олдин тайинланган Лажени ишдан бўшатиш ҳақида ўйламоқда.

TalkSPORT нашри хабарига кўра, нафақат “Вулверхэмптон” раҳбарияти ва мухлислари, балки жамоа футболчиларида ҳам 46 ёшли португалиялик мураббийнинг машғулот услублари ҳақида кўпроқ саволлар пайдо бўлмоқда.

Қўшимча ўрнида шуни айтиш керакки, омадсиз натижалар серияси ўтган мавсумга тўғри келади. "Бўрилар" АПЛдаги сўнгги 15 ўйиннинг фақат биттасида ғалаба қозонган, 9 та мағлубият аламини тотиб кўрган.