Жаҳон футболи афсонаси Пеле Индонезиядан келган фожиали хабарга муносабат билдирди. Стадионда бўлиб ўтган маҳаллий чемпионат ўйинида 174 нафар мухлис ҳалок бўлди.

“Ўтган ҳафта охирида катта фожиа юз берди. Кўплаб ўлимлар. Мен бу юрт халқига тинчлик ва муҳаббат тилайман. Зўравонликнинг футболга алоқаси йўқ. Спорт шафқатсизлик эмас, севги ҳаракати бўлиши керак”, — деб ёзган бразилиялик футболчи ижтимоий тармоқда.

Эслатиб ўтамиз, Индонезия чемпионатининг "Арема" - "Персебая" (2:3) учрашуви якунланганидан кейин майдонда оммавий муштлашув бўлиб ўтган, шундан сўнг тирбандлик бошланганди. Буларнинг барчаси натижасида кўп одамлар ҳалок бўлди.