Jahon futboli afsonasi Pele Indoneziyadan kelgan fojiali xabarga munosabat bildirdi. Stadionda bo‘lib o‘tgan mahalliy chempionat o‘yinida 174 nafar muxlis halok bo‘ldi.
“O‘tgan hafta oxirida katta fojia yuz berdi. Ko‘plab o‘limlar. Men bu yurt xalqiga tinchlik va muhabbat tilayman. Zo‘ravonlikning futbolga aloqasi yo‘q. Sport shafqatsizlik emas, sevgi harakati bo‘lishi kerak”, — deb yozgan braziliyalik futbolchi ijtimoiy tarmoqda.
Eslatib o‘tamiz, Indoneziya chempionatining "Arema" - "Persebaya" (2:3) uchrashuvi yakunlanganidan keyin maydonda ommaviy mushtlashuv bo‘lib o‘tgan, shundan so‘ng tirbandlik boshlangandi. Bularning barchasi natijasida ko‘p odamlar halok bo‘ldi.
