"Чикаго Файр" клубида МЛСда ўйнаётган колумбиялик ҳужумчи Жон Дюран Европага кўчиб ўтиши мумкин. 18 ёшли футболчига Англия Премьер-лигасида талаб катта.
Инсайдер Том Богертнинг сўзларига кўра, иқтидорли футболчи хизматига Лондоннинг “Челси” ва “Ливерпуль” клублари қизиқиш билдирмоқда. Ҳар икки клуб январь ойидаги трансфер ойнасида ҳужумчи билан музокара ўтказишни режалаштирмоқда.
Дюран жорий мавсумда 26 та ўйинда майдонга тушиб, 8 та гол урди ва 6 та голли узатмани амалга оширди. Колумбиялик футболчи шу йилнинг январь ойидан буён “Чикаго Файр” сафида тўп сурмоқда.
