Ўзбекистон Профессионал футбол лигаси одатга кўра, ҳар ой Про лиганинг энг яхши мураббийи ва футболчисини аниқлаб келмоқда. Ортда қолган сентябрь ойида Про лигада 16 та баҳс бўлиб ўтди.

Сентябрь ойининг энг яхши мураббийи бўлиш учун номзодлар

Виктор Кумиков (“Андижон”) – 3 ўйин, 2 ғалаба, 1 дуранг, тўплар фарқи 4:2

Асрор Алиқулов (“Шўртан”) – 2 ўйин, 2 ғалаба, тўплар фарқи 2:0

Сентябрь ойининг энг яхши футболчиси бўлиш учун номзодлар

Ильдар Маматказин (“Андижон”) – 3 ўйин, 1 гол, 1 қуруқ ўйин

Суҳроб Бердиев (“Андижон”) – 3 ўйин, 2 гол

Рўзимбой Аҳмедов (“Бухоро”) – 3 ўйин, 2 гол

Эслатиб ўтамиз, овоз бериш жараёнида Про лига клублари бош мураббийлари ва сардорлари ҳамда мухлислар иштирок этишади. Про лиганинг 10 клуби бош мураббийлари ҳамда сардорлари кўрсатилган номзодларни учталикка жойлаштириб чиқади.

Шунингдек, бу йилдан эътиборан ЎзПФЛ овоз бериш жараёнида championat.asia, sports.uz, tribuna.uz, stadion.uz нашрлари ҳамда Про лига расмий бродкастери ҳисобланган UzReport TV дан ҳам овозлар олади.

Дастлабки ўринда кўрсатилган номзод 3, мос равишда кейинги футбол мухлислари ўртасида ўтказилган сўровнома натижаси эса бош мураббийлар, жамоа сардорлари ҳамда спорт нашрлари ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади.