"Барселона" президенти Жоан Лапорта январь ойидаги трансфер ойнасида янги харидларни амалга ошириш устида фаол иш олиб бораётганини билдирди. Эслатиб ўтамиз, ёзда Каталония клуби янги футболчилар учун 150 миллион евродан ортиқ маблағ сарфлаган эди.
“Биз январь ойидаги трансфер ойнасидаги эҳтимолий харидлар устида ишлаяпмиз. Биз раҳбариятнинг бошқа аъзолари, шунингдек, Хави ва унинг мураббийлар штаби билан потенциал янги футболчиларни муҳокама қилмоқдамиз. Биз ҳар доимгидек таркибимизни яхшилаш ниятидамиз”, - деди Лапорта.
Эслатиб ўтамиз, "Барселона" айни дамда Испания чемпионатида тўплар нисбати бўйича "Реал"ни ортда қолдириб, пешқадамлик қилмоқда. Айни пайтда каталонияликлар Чемпионлар лигаси гуруҳ босқичидан чиқиб кетишга яқин турибди.
