"Barselona" prezidenti Joan Laporta yanvar oyidagi transfer oynasida yangi xaridlarni amalga oshirish ustida faol ish olib borayotganini bildirdi. Eslatib o‘tamiz, yozda Kataloniya klubi yangi futbolchilar uchun 150 million yevrodan ortiq mablag‘ sarflagan edi.
“Biz yanvar oyidagi transfer oynasidagi ehtimoliy xaridlar ustida ishlayapmiz. Biz rahbariyatning boshqa a’zolari, shuningdek, Xavi va uning murabbiylar shtabi bilan potensial yangi futbolchilarni muhokama qilmoqdamiz. Biz har doimgidek tarkibimizni yaxshilash niyatidamiz”, - dedi Laporta.
Eslatib o‘tamiz, "Barselona" ayni damda Ispaniya chempionatida to‘plar nisbati bo‘yicha "Real"ni ortda qoldirib, peshqadamlik qilmoqda. Ayni paytda kataloniyaliklar Chempionlar ligasi guruh bosqichidan chiqib ketishga yaqin turibdi.
