Мадриднинг “Реал” клуби бош мураббийи Карло Анчелотти ҳужумчи Карим Бензема эртага Ла Лига доирасида “Барселона”га қарши ўйинда ўзини кўрсата олишига ишонмоқда. Эслатиб ўтамиз, ушбу ўйин ғолиби Ла Лиганинг ягона пешқадамига айланади. Айни дамда иккала жамоанинг ҳам турнир жадвалида очколари бир хил.
"Бензема жамоанинг сўнгги машғулотларида катта муваффақиятларга эришди. Ишончим комилки, эртага Карим ўзининг энг яхши ўйинини кўрсатади", - деди Анчелотти матбуот анжуманида.
Эслатиб ўтамиз, яқин орада Карим Бензема ўтган мавсумдаги муваффақияти учун "Олтин тўп"ни олиши керак. Сўнгги мавсумда франциялик футболчи Испания чемпионати ва Чемпионлар лигасининг энг яхши тўпурари бўлди, шунингдек, "қироллик клуби"га ҳар иккала турнирда ҳам ғалаба қозонишига ёрдам берди.
