Madridning “Real” klubi bosh murabbiyi Karlo Anchelotti hujumchi Karim Benzema ertaga La Liga doirasida “Barselona”ga qarshi o‘yinda o‘zini ko‘rsata olishiga ishonmoqda. Eslatib o‘tamiz, ushbu o‘yin g‘olibi La Liganing yagona peshqadamiga aylanadi. Ayni damda ikkala jamoaning ham turnir jadvalida ochkolari bir xil.
"Benzema jamoaning so‘nggi mashg‘ulotlarida katta muvaffaqiyatlarga erishdi. Ishonchim komilki, ertaga Karim o‘zining eng yaxshi o‘yinini ko‘rsatadi", - dedi Anchelotti matbuot anjumanida.
Eslatib o‘tamiz, yaqin orada Karim Benzema o‘tgan mavsumdagi muvaffaqiyati uchun "Oltin to‘p"ni olishi kerak. So‘nggi mavsumda fransiyalik futbolchi Ispaniya chempionati va Chempionlar ligasining eng yaxshi to‘purari bo‘ldi, shuningdek, "qirollik klubi"ga har ikkala turnirda ham g‘alaba qozonishiga yordam berdi.
