Якшанба куни “Манчестер Сити”га қарши ўйин сўнгида “Ливерпуль” бош мураббийи Юрген Клопп ҳакамликнинг қароридан норози бўлгани учун қизил карточка олди.
Журналист Жеймс Робсоннинг ижтимоий тармоқларда хабар беришича, Клоппнинг четлатилиши унинг автоматик равишда “Вест Хэм”га қарши навбатдаги ўйинга дисквалификация қилинишини англатмайди. Англия футбол ассоциацияси қарор қабул қилишдан олдин “Ливерпуль” бош мураббийининг хатти-ҳаракатларига баҳо беради.
19 октябрь чоршанба куни Англия Премьер-лигасининг 12-тури “Ливерпуль” ва “Вест Хэм” учрашуви бўлиб ўтади.
Эслатиб ўтамиз, "Ливерпуль" якшанба куни ўз майдонида "Манчестер Сити"ни 1:0 ҳисобида мағлуб этганди.
