"Ливерпул"нинг собиқ футболчиси Жейми Каррагер "Манчестер Юнайтед" устози Эрик тен Хагнинг ишидан мамнун.
Жорий мавсум бошланишидан аввал “қизил иблислар” бошқарувини қабул қилиб олган нидерландиялик мутахассис Криштиану Роналдуни навбатдаги ўйин ва жамоа билан машғулотларидан четлатди. Бунга португалиялик футболчининг "Тоттенхэм" билан ўйинда захирадан майдонга тушишдан бош тортиши ва финал ҳуштаги чалингунча кийим алмаштириш хонасига кетиши сабаб бўлди.
"Мавсумнинг боши тен Хаг учун қийин бўлди, лекин у тезда майдонда ҳам, майдон ташқарисида ҳам ўз обрўсини тиклади. "Тоттенхэм"га қарши ўйин "Манчестер Юнайтед" учун сўнгги йиллардаги энг яхши ўйинлардан бири бўлиб, Роналду билан бўлган воқеаларда тен Хаг жуда зўр қарорларни қабул қилмоқда", - деб ёзди Каррагер ижтимоий тармоқларда.
