"Манчестер Сити"нинг собиқ ҳужумчиси Серхио Агуэро клуб бош мураббийи Хосеп Гвардиола билан ишлаганини эслади. Аргентиналик футболчининг тан олишича, бир пайтлар Гвардиола ортиқча вазн ортгани учун уни захира ўриндиғида қолдирган.
"Гвардиола қўл остидаги биринчи мавсумда биз учинчи ёки тўртинчи ўринда эдик. Бир куни у менга: "Сени захирада қолдираман, чунки сен жуда семириб кетгансан" деди. У менга ҳамма нарсани нозик тарзда тушунтириб берди, мени айтадиган гапим қолмаганди, чунки бу ҳақиқат эди", - деди Агуэро El Chiringuito TV билан суҳбатда.
Агуэро ўтган мавсумда юраги билан боғлиқ муаммолар туфайли профессионал фаолиятини якунлаган эди. Серхионинг сўнгги жамоаси "Барселона" бўлди.
