«Навбаҳор» клуби собиқ бош мураббийи Андрей Канчельскис куни кеча «Урал» билан шартномани бекор қилган ярим ҳимоячи Остон Ўрунов ҳақида ўз фикрни билдириб ўтди.

— Остон — яхши футболчи. Нима учун «Урал»ни тарк этаётганини билмадим. Бу саволни "Урал" бош мураббийи Ганчаренкога бериш керак.

— У «Спартак» клубига ўтганидан кейин ўйинида пасайиш юз берди. Бу пул билан боғлиқми? Яъни Москва синовидан ўта олмадими?
— Бўлиши мумкин. Эҳтимол ўзига бўлган талабни пасайтиргандир. Ҳар қандай ҳолатда ҳам у яхши футболчи. Ўйнаб кетиш учун унда барча хислатлар бор. Унинг ўйинида пасайиш нима билан боғлиқлигини ҳозир тушуниш қийин. У билан гаплашмаганимга анча бўлди.

— Ўзбекистонда унда ишга бўлган муносабатда муаммолар бор эдими?
— Ҳеч қандай муаммолар йўқ эди. Яхши гаплашардик, яхши ишлардик. Интизом борасида ҳеч қандай муаммо йўқ эди. Ҳаммаси аниқ ва равшан эди. У ерда 100 фоиз иштиёқ билан ҳаракат қиларди.

— Демак, у тўла профессионал?
— Ҳа. Менда унга нисбатан ҳеч қачон эътироз бўлмаган.