"Манчестер Юнайтед"нинг собиқ футболчиси Гари Невилл Маркус Рэшфорднинг голига баҳо берди.

Англиялик футболчи "Манчестер Юнайтед" сафидаги 100-голини урди ва жамоасига "Вест Хэм" устидан ғалаба келтирди (1:0).

24 ёшли футболчининг боши билан йўллаган тўпини Невилл: "Рэшфорднинг бундай гол уришини тез-тез кўрмайсиз. Машғулотларда у ушбу компонентда дунёнинг энг яхши ўйинчиларидан бири Роналдунинг буни қандай бажараётганини кўради. Бу ҳақиқатан ҳам Криштиануга ўхшади", - дея собиқ ҳимоячининг сўзларини келтиради Daily Mail.

“Вест Хэм” устидан қозонилган ғалаба “Манчестер Юнайтед”га АПЛ турнир жадвалида бешинчи ўринга кўтарилиш имконини берди.