Куни кеча Россия премьер-лигаси 2012/13 йилги мавсумига старт берилди. Янги мавсумнинг илк учрашуви премьер-лига дебютанти Саранскнинг "Мордовия" ҳамда Москванинг "Локомотив" клублари ўртасида кечди.
Ўйиннинг дастлабки дақиқаларида бироз устунликка эришган "Мордовия" биринчи бўлиб ўйинда ҳисобни очганига қарамай, кейинчалик ташаббусни ўз қўлларига олган "Локо" бирин кетин учта гол киритиб, майдон эгаларини карахт аҳволга солиб қўйди.
Иккинчи бўлимда "Мордовия" ҳисобни қисқартира олди, аммо қолганига кучи етмади. Рақибидан анча тажрибалироқ бўлган москваликлар янги бош мураббий, Славен Билич бошчилигидаги илк расмий ўйинни ғалаба биллан якунлашди - 2:3
Мордовия (Саранск) – Локомотив (Москва) – 2:3
Голлар: Панченко, 16 (1:0); Торбинский, 29 (1:1); Оздоев, 33 (1:2); Чорлука, 38 (1:3); Осипов, 62 (2:3).
Огоҳлантиришлар: Осипов, 69; Симчевич, 90+6 – Чорлука, 89; Ещенко, 90+2; Глушаков, 90+5.
Четалатиш:Оздоев, 87.(Локомотив)
